കൊച്ചി: 2 ദിവസം അധിക സർവീസുമായി കൊച്ചി മെട്രൊ. ഇന്നും നാളെയുമാണ് അധിക സർവീസ് നടത്തുക. കർക്കിടക വാവുബലിയെ തുടർന്നാണ് അധിക സർവീസ് നടത്തുന്നത്. ഇന്ന് തൃപ്പൂണിത്തുറയില്‍ നിന്ന് ആലുവയിലേക്ക് രാത്രി 11നും 11.30 നും സര്‍വീസ് ഉണ്ടാകും.
അതുപോലെ നാളെ ആലുവയിൽ നിന്ന് തൃപ്പൂണിത്തുറയിലേക്ക് പുലർച്ചെ സർവീസ് ഉണ്ടാകും. വെളുപ്പിന് 5 നും 5.30 നുമാണ് സർവീസ് നടത്തുക. വാവുബലിക്ക് ഏറെ ആൾക്കാർ എത്തുന്ന പ്രദേശമാണ് ആലുവ മഹാദേവക്ഷേത്രം. ഇവിടെ ബലിതർപ്പണ ചടങ്ങുകൾക്കായുള്ള അവസാനവട്ട ഒരുക്കങ്ങൾ പുരോഗമിക്കുകയാണ്. മണപ്പുറത്ത് 45 ബലിത്തറകളാണ് ഇത്തവണ ഒരുക്കുന്നത്.
