വർക്കല: തലസ്ഥാനത്തെ ആശുപത്രിയിൽ വീണ്ടും ലിഫ്റ്റ് പണി മുടക്കി. ഇത്തവണ വർക്കല താലൂക് ആശുപത്രിയിലെ ലിഫ്റ്റാണ് പണിമുടക്കിയത്. ലിഫ്റ്റിൽ കുടുങ്ങിയ ജീവനക്കാരെയും രോഗികളെയും രക്ഷപ്പെടുത്തി.
ഓവർ ലോഡ് കാരണമാണ് ലിഫ്റ്റ് തകരാൻ കാരണമെന്നാണ് പ്രാഥമിക നിഗമനം. വർക്കല താലൂക്ക് ആശുപത്രിയിൽ ഈഅടുത്തകാലത്ത് ഉദ്ഘാടനം നടത്തിയ പുതിയ കെട്ടിടത്തിലെ ലിഫ്റ്റാണ് പണിമുടക്കിയത്. അരമണിക്കൂറിലേറെയാണ് ജീവനക്കാരും രോഗികളും ലിഫ്റ്റിനുള്ളിൽ കുടുങ്ങിയത്. ലിഫ്റ്റിന്റെ ഡോർ വലിച്ചിളക്കിയാണ് ഇവരെ പുറത്തെടുത്തത്.
