പാരീസ്: വിനേഷ് ഫോഗട്ട് അയോഗ്യതയില് പ്രതികരണവുമായി ഇന്ത്യന് ഒളിംപിക് അസോസിയേഷന് പ്രസിഡന്റ് പി ടി ഉഷ. ഐഒഎ മെഡിക്കൽ സംഘത്തിനെതിരായ വിമർശനങ്ങൾക്കാണ് പി ടി ഉഷ മറുപടി നൽകിയിരിക്കുന്നത്. ഭാരം നിയന്ത്രിക്കേണ്ടത് അത്ലറ്റിൻ്റെ ഉത്തരവാദിത്തമാണെന്നാണ് പി ടി ഉശ പറയുന്നത്.
വസ്തുതകൾ അറിഞ്ഞിട്ട് വേണം വിമർശിക്കാൻ. വിനേഷ് ഫോഗട്ടിന്റെ ശരീരഭാരം കൂടിയത് ഐഒഎ മെഡിക്കല് സംഘത്തിന്റെ പിഴവല്ലെന്നും അത് താരത്തിന്റെയും കോച്ചിന്റെയും ഉത്തരവാദിത്തമാണെന്നും മറിച്ച് ഇതിന്റെ ഉത്തരവാദിത്വം അസോസിയേഷൻ നിയമിക്കുന്ന ചീഫ് മെഡിക്കൽ ഓഫീസർക്ക് ഇല്ലെന്നാണ് ഉഷ വ്യക്തമാക്കുന്നത്.
മാത്രമല്ല ഐഒഎ മെഡിക്കൽ ടീമിന് നേരെയുള്ള വിദ്വേഷം അപലപനീയമാണെന്ന് ഉഷ പറഞ്ഞു. പാരിസ് ഒളിംപിക്സിന് ഗുസ്തി താരങ്ങള് എത്തിയത് സ്വന്തം സപ്പോര്ട്ട് സ്റ്റാഫിനൊപ്പമാണ്. രണ്ട് മാസം മുൻപ് മാത്രമാണ് ഐഒഎ മെഡിക്കൽ സംഘത്തെ നിയോഗിച്ചതെന്നും പി ടി ഉഷ കൂട്ടിച്ചേർത്തു.
