തിരുവനന്തപുരം: പ്രതികരണ വേദിയുടെ നേതൃത്വത്തിൽ സെക്രട്ടറിയേറ്റ് മാർച്ച് നടത്തി. പ്രതികരണ വേദി ചെയർമാൻ എം എ ലത്തീഫ് മാർച്ച് ഉദ്ഘാടനം ചെയ്തു. ഹേമ കമ്മിഷൻ റിപ്പോർട്ടിന്റെ അടിസ്ഥാനത്തിൽ പ്രതികളായവരുടെ പേരിൽ എഫ് ഐ ആർ ഇടണമെന്നും, കേരളമൊട്ടാകെ ബാധിക്കുന്ന വിഷയം ആയതിനാൽ കേസ് സിബിഐ കൊണ്ട് അന്വേഷിക്കുന്നതിന് ഗവൺമെന്റ് തയ്യാറാകണമെന്നും എം എ ലത്തീഫ് ആവശ്യപ്പെട്ടു.
ഇതിൽ വേട്ടക്കാരായവർ എത്ര ഉന്നതന്മാരായിരുന്നാലും അവർക്ക് എതിരെ നടപടി എടുക്കണമെന്ന് എം എ ലത്തീഫ് പറഞ്ഞു. നേമം അസ്കർ, ശരത് ശൈലേശ്വരന്, മൈക്കിൾ രാജ്, അഭിജിത് നെടുമങ്ങാട് , സഞ്ജു , അസീം, നാസർ, ഷാജി, നിസാം എന്നിവർ പ്രസംഗിച്ചു
