തിരുവനന്തപുരം: തിരുവോണ ദിനത്തിൽ കുളത്തൂർ ഇൻഫോസിസിന് സമീപം വൻ വാഹനാപകടം. അപകടത്തിൽ വലിയവേളി സ്വദേശിയായ യുവാവിന് ദാരുണാന്ത്യം. വാഹനത്തിന്റെ നിയന്ത്രണം നഷ്ടപ്പെട്ടാണ് അപകടം സംഭവിച്ചത്.
പൗണ്ടുകടവ് വലിയവേളി പുത്തൻവീട്ടിൽ പരേതനായ ത്യാഗരാജൻ്റെയും ശ്രീലതയുടെയും മകൻ അനുരാജ് (27) ആണ് അപകടത്തിൽ മരിച്ചത്. അനുരാജ് ഓടിച്ചിരുന്ന ബൈക്കിന്റെ നിയന്ത്രണം നഷ്ടപ്പെട്ട് ഇൻഫോസിസിന് മുന്നിൽ റോഡിലെ ഡിവൈഡറിൽ നിന്ന മരത്തിലിടിച്ചാണ് അപകടം സംഭവിച്ചത്.
അപകടത്തിൽ ഗുരുതരമായി പരിക്കേറ്റ അനുരാജിനെ മെഡിക്കൽ കോളേജ് ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല.അനുരാജിനൊപ്പം ബൈക്കിൽ മറ്റു രണ്ടു പേർ കൂടി ഉണ്ടായിരുന്നു. അന്യസംസ്ഥാന തൊഴിലാളികളാണ് ഇവർ. ഗുരുതരമായി പരിക്കേറ്റ രണ്ടുപേരെയും മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
അനുരാജിന്റെ മൃതദേഹം പോസ്റ്റുമോർട്ടത്തിന് ശേഷം ഇന്നലെ ഉച്ചക്ക് 2 മണിയോടെ കോലത്തുകര ശ്മാശനത്തിൽ സംസ്കരിച്ചു. അവിവാഹിതനാണ് അനുരാജ്. സഹോദരൻ പരേതനായ ശ്രീക്കുട്ടൻ.
