തിരുവനന്തപുരം: തിരുവനന്തപുരം നഗരത്തിലെ ജലവിതരണം വീണ്ടും മുടങ്ങി. ഇപ്പോൾ തിരുവനന്തപുരം നഗരത്തിലും പരിസര പ്രദേശങ്ങളിലും പൈപ്പ് പൊട്ടലും അറ്റകുറ്റപണികളും മൂലം കുടിവെള്ളം മുടങ്ങുന്നത് പതിവായി മാറിയിരിക്കുകയാണ്. ഇത് മൂലം കടുത്ത ദുരിതത്തിലാണ് നഗര വാസികൾ.
ഇന്ന് അരുവിക്കരയിലെ ജല ശുദ്ധീകരണശാലയിൽ അറ്റകുറ്റപണികൾ നടക്കുന്നതുകൊണ്ടാണ് ജലവിതരണം മുടങ്ങുന്നത്. വൈകുന്നേരം 6 മണിയോടെ കുടിവെള്ളം എത്തിത്തുടങ്ങും. ഏതാണ്ട് 101 സ്ഥലങ്ങളിൽ ഇന്ന് കുടിവെള്ളം എത്തില്ലെന്നാണ് വാട്ടർ അതോറിറ്റി അറിയിച്ചിരിക്കുന്നത്.
