തിരുവനന്തപുരം: തിരുവനന്തപുരം കഴക്കൂട്ടത്ത് സിവിൽ സർവീസ് വിദ്യാർഥിനിയെ ബലാത്സംഗം ചെയ്തതായി പരാതി. വിദ്യാർത്ഥി താമസിക്കുന്ന അപ്പാർട്ട്മെൻ്റിൽ കയറിയാണ് അതിക്രമം കാണിച്ചത്.
രണ്ട് ദിവസം മുൻപാണ് സംഭവം നടന്നത്. സിവിൽ സർവീസ് പഠനത്തിനായി എത്തിയതാണ് യുവതി. പെൺകുട്ടിയുടെ പരാതിയിൽ കഴക്കൂട്ടം പോലീസ് കേസ് രജിസ്റ്റർ ചെയ്തു. പെൺകുട്ടിയുടെ സുഹൃത്താണ് ബലാത്സംഗം ചെയ്തതെന്നാണ് പരാതിയിൽ പറയുന്നത്. സുഹൃത്തായ കൂപ്പർ ദീപു എന്ന ദീപുവാണ് പെൺകുട്ടിയെ പീഡിപ്പിച്ചത്.
സംഭവത്തിന് ശേഷം കൂപ്പർ ദീപു കേരളം വിട്ടതായാണ് വിവരം. പെൺകുട്ടിയെ പീഡിപ്പികുന്ന ദൃശ്യം ദീപുവിൻ്റെ കൈവശം ഉണ്ടെന്നും പോലീസിന് നൽകിയ മൊഴിയിൽ പറയുന്നു. പ്രതിയ്ക്കായി അന്വേഷണം ഊർജിതമാക്കിയതായി പോലീസ് പറഞ്ഞു.
