തിരുവനന്തപുരം: നിർമാതാവ് സാന്ദ്രാ തോമസിനെ പ്രൊഡ്യൂസേഴ്സ് അസോസിയേഷനിൽ നിന്ന് പുറത്താക്കി. അച്ചടക്ക ലംഘനത്തെ തുടർന്നാണ് നടപടി. ഒരാഴ്ച മുന്പായിരുന്നു നടപടി. സംഘടന മാനദണ്ഡങ്ങള് പാലിച്ചില്ലെന്നാണ് സാന്ദ്രയ്ക്കെതിരെ ഉയരുന്ന വിമര്ശനം.
അതെ സമയം സംഭവത്തിൽ പ്രതിയകരണവുമായി സാന്ദ്ര തോമസ് രംഗത്തെത്തി. പ്രൊഡ്യൂസേഴ്സ് അസോസിയേഷനിൽ നിന്നും തന്നെ പുറത്താക്കിയ നടപടി പ്രതികാര നടപടിയാണെന്നാണ് സാന്ദ്ര തോമസ് പറയുന്നത്. ആന്റോ ജോസഫ് തന്നെ വളരെയേറെ ബുദ്ധിമുട്ടിപ്പിച്ച ആളാണ്. ഇവരെപ്പോലുള്ളവരെ രാജാക്കൻമാരായി വാഴിക്കുകയാണെന്നും സാന്ദ്ര പറഞ്ഞു.
തനിക്കുണ്ടായത് വളരെ മോശപ്പെട്ട അനുഭവമാണ്. മാത്രമല്ല തന്നെപ്പോലൊരാള്ക്ക് ഇതാണ് അനുഭവമെങ്കില് ഈ മേഖലയില് പ്രവര്ത്തിക്കുന്ന സാധാരണക്കാരായ സ്ത്രീകള് പ്രൊഡ്യൂസേഴ്സ് അസോസിയേഷന് പോലുള്ളവരുടെ മുന്നില് വന്നാലുള്ള അവസ്ഥ എന്തായിരിക്കുമെന്നും സാന്ദ്ര ചോദിച്ചു.
