തിരുവനന്തപുരം: തിരുവനന്തപുരത്ത് ബൈക്കുകൾ കൂട്ടിയിടിച്ച് അപകടം. അപകടത്തിൽ വെഞ്ഞാറമൂട് സ്വദേശിയായ യുവാവിന് ദാരുണാന്ത്യം. ഇന്നലെ രാത്രി 9 മണിയോടെയാണ് അപകടം നടന്നത്.
വെഞ്ഞാറമൂട് – വലിയകട്ടക്കാൽ ഉഷസ്സിൽ വിനീഷാണ് (37) മരിച്ചത്. പോത്തൻകോട് ശാന്തിഗിരിക്ക് സമീപത്ത് വച്ചാണ് അപകടം നടന്നത്. ടെക്നൊപാർക്കിലെ ജോലി സ്ഥലത്ത് നിന്നും ബൈക്കിൽ വീട്ടിലേക്ക് വരവേ എതിർ ദിശയിൽ അമിത വേഗതയിൽ എത്തിയ മറ്റൊരു ബൈക്കുമായി കൂട്ടിയിടിക്കുകയായിരുന്നു.
ഉടൻ തന്നെ വിനീഷിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പിതാവ് വിജയൻ, മാതാവ് ഉഷ, ഭാര്യ കാർവേണി, സഹോദരൻ രാജേഷ്. കാശിനാഥ്, ശിവാനി എന്നിവർ മക്കളാണ്.
