തിരുവനന്തപുരം: തിരുവനന്തപുരം വർക്കലയിൽ മദ്യപിച്ചെത്തി പ്രായപൂർത്തിയാകാത്ത മകളെ പൂട്ടിയിട്ട് ലൈംഗികാതിക്രമം. സംഭവത്തിൽ കുട്ടിയുടെ അച്ഛനെ പോലീസ് പിടികൂടി. പ്രതി സ്ഥിരമായി മദ്യപിക്കുകയും ഭാര്യയെയും മകളെയും അതിക്രൂരമായി മർദിക്കുകയും ചെയ്യുമായിരുന്നു.
രണ്ട് വർഷം മുൻപ് ശാരീരിക ഉപദ്രവം സഹിക്കാനാവാതെ പ്രതിയുടെ ഭാര്യ ഇവരെ ഉപേക്ഷിച്ച് പോയിരുന്നു. നിലവിൽ അച്ഛന്‍റെ സഹോദരിയുടെ സംരക്ഷണയിലായിരുന്നു കുട്ടി കഴിഞ്ഞിരുന്നത്. പ്രതിയും സഹോദരിക്കൊപ്പമായിരുന്നു താമസം.
എന്നാൽ ഇവിടെ വച്ചും മദ്യപിച്ചെത്തിയ പ്രതി നിരന്തരമായി മകളെ ഉപദ്രവിക്കുന്നത് പതിവാക്കിയിരുന്നു. തുടർന്ന് കഴിഞ്ഞ ദിവസം കുട്ടിയെ മുറിയിൽ പൂട്ടിയിട്ട് ഉപദ്രവിച്ചതോടെയാണ് സഹോദരി പോലീസിൽ പരാതിപ്പെട്ടത്. കസ്റ്റഡിയിലെടുത്ത പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
