കഴക്കൂട്ടം: വിദ്യാർഥികൾക്കിടയിൽ വായനാശീലത്തിന്റെ പ്രാധാന്യം ഊന്നി പറഞ്ഞുകൊണ്ട് കഴക്കുട്ടം ജ്യോതിസ് സെൻട്രൽ സ്കൂളിൽ വായനാദിനം ആചരിച്ചു. വായനയുടെ പ്രാധാന്യം കുട്ടികളിൽ വളർത്തിയെടുക്കേണ്ടതിനെക്കുറിച്ച് ജ്യോതിസ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് ചെയർമാൻ എസ് ജ്യോതിസ് ചന്ദ്രൻ സംസാരിച്ചു.വ്യക്തിത്വ വികസനത്തിന് വായനയുടെ പ്രാധാന്യത്തിന് ഊന്നൽ നൽകി കൊണ്ട് പ്രിൻസിപ്പൽ എൽ. സലിത കുട്ടികൾക്ക് ആശംസകൾ അറിയിച്ചു. മലയാളം, ഹിന്ദി, ഇംഗ്ലീഷ് എന്നീ ഭാഷകൾ സംബന്ധിച്ച് വിദ്യാർഥികൾക്കിടയിൽ വായനാശീലം വളർത്തിയെടുക്കേണ്ടതിന്റെ ആവശ്യകത യെപ്പറ്റി ഭാഷാ വകുപ്പുകൾ വിവിധ പരിപാടികൾ അവതരിപ്പിച്ചു.
