തിരുവനന്തപുരം: തിരുവനന്തപുരം വിഴിഞ്ഞത്ത് വയോധികൻ ഓട്ടോയിടിച്ച് മരിച്ചു. വിഴിഞ്ഞം കോട്ടപ്പുറം കുഴിവിള പുരയിടത്തിൽ പീറ്റർ ആണ് മരിച്ചത്. 84 വയസായിരുന്നു. ഇന്നലെ വൈകുന്നേരമാണ് അപകടം നടന്നത്.
കോട്ടപ്പുറം സെൻ്റ് മേരീസ് സ്കൂളിന് സമീപത്ത് വച്ചാണ് സംഭവം നടന്നത്. കടയിൽ നിന്നും സാധനങ്ങൾ വാങ്ങി വീട്ടിലേക്ക് നടന്ന് മടങ്ങിയവഴിയാണ് അപകടം സംഭവിച്ചത്. നടന്നുപോകുന്നതിനിടെ ഓട്ടോറിക്ഷ പീറ്ററെ ഇടിച്ചിടുകയായിരുന്നു.
നാട്ടുകാർ ഓടികൂടിയെങ്കിലും ഓട്ടോ നിർത്താതെ പോകുകയായിരുന്നു. ഉടൻ തന്നെ പീറ്ററിനെ നാട്ടുകാർ ചേർന്ന് ആശുപത്രിയിൽ എത്തിച്ചു. തീവ്ര പരിചരണ വിഭാഗത്തിൽ ചികിത്സയിൽ തുടരുന്നതിനിടെ ഇന്ന് പുലർച്ചെ മരണം സംഭവിക്കുകയായിരുന്നു.
