തിരുവനന്തപുരം: തിരുവനന്തപുരത്ത് പായസക്കട ഇടിച്ചു തകർത്തു. കാറിൽ എത്തിയ രണ്ട് പേരാണ് വാഹനം ഉപയോഗിച്ച് കട ഇടിച്ചത്. പാഴ്സൽ നൽകാത്തതിനെ തുടർന്നാണ് പായസക്കട ഇടിച്ചു തകർത്തത്. തിരുവനന്തപുരം പോത്തൻകോടാണ് സംഭവം.
പോത്തൻകോട് റോഡരികിൽ പായസം വിൽക്കുന്ന റസീനയുടെ കടയാണ് തകർത്തത്.രണ്ടു പേരാണ് വാഹനത്തിൽ ഉണ്ടായിരുന്നത്. ഇവർ മദ്യലഹരിയിൽ ആയിരുന്നെന്നാണ് കടയുടമ പറയുന്നത്. തലനാരിഴയ്ക്കാണ് ജീവനക്കാർ അപകടത്തിൽ നിന്ന് രക്ഷപ്പെട്ടത്. സംഭവത്തിൽ പോലീസ് അന്വേഷണം ആരംഭിച്ചു.
