തിരുവനന്തപുരം: തിരുവനന്തപുരം കണിയാപുരത്തെ റെയിൽവേ ഗേറ്റ് വീണ്ടും പണിമുടക്കി. ഇന്ന് വൈകുന്നേരം ഏഴ് മണിയോടെയാണ് റെയിൽവേ ഗേറ്റ് പണിമുടക്കിയത്. ഇതുവഴി പോകുന്ന യാത്രക്കാർ ഇതോടെ ദുരിതത്തിലായത്.
ഇത് ആദ്യമായിട്ടല്ല ഇവിടെ റെയിൽവേ പണിമുടക്കുന്നത്. ഇപ്പോൾ ഇത് സ്ഥിരമായിരിക്കുകയാണ്. നിരന്തരമായി ഇത്തരത്തിൽ പണിമുടക്ക് വരുന്നത് മൂലം കണിയാപുരം വഴി യാത്ര ചെയ്യുന്നവർക്ക് വളരെയേറെ ബുദ്ധിമുട്ടും പ്രയാസവും നേരിടുകയാണ്.
ഇക്കാര്യം ചൂണ്ടിക്കാട്ടി യാത്രക്കാർ നിരന്തരമായി പരാതി ഉന്നയിച്ചിട്ടും യാതൊരു നടപടിയും സ്വീകരിച്ചിട്ടില്ല. ഈയാഴ്ചയിൽ തന്നെ ഇത് മൂന്നാമത്തെ തവണയാണ് ഇങ്ങനെ സംഭവിക്കുന്നത്. തിരുവനന്തപുരം റെയിൽവേ ഹെഡ് ഓഫീസിൽ നിന്നും വർക്കേഴ്സ് എത്തി പരിഹരിയ്ക്കുന്നത് വരെ തടസ്സം നേരിടും.
