തിരുവനന്തപുരം: തിരുവനന്തപുരത്ത് സ്കോർപിയോ കാറില് കഞ്ചാവ് കടത്താൻ ശ്രമം. സംഭവത്തിൽ രണ്ടു പേരെ എക്സൈസ് സംഘം പിടികൂടി. മലയിൻകീഴ് സ്വദേശി വിശ്വലാൽ, തിരുമല സ്വദേശി മുഹമ്മദ് റോഷൻ എന്നിവരെ പൊലീസ് അറസ്റ്റ് ചെയ്തു.
വാഹനത്തിൽ നിന്ന് പതിനാറ് കിലോ കഞ്ചാവ് പിടിച്ചെടുത്തു. പേയാട് ചെറുകോട് വച്ചാണ് സംഘം പ്രതികളെ പിടികൂടിയത്. തമിഴ്നാട്ടിൽ നിന്നുന്നാണ് പ്രതികൾ കഞ്ചാവ് എത്തിച്ചത്. ചെറുകിട വിൽപ്പനക്കാർക്ക് നൽകാനാണ് പ്രതികൾ കൊണ്ടുവന്നത്.
ഇന്നലെ രാത്രി സംശയം തോന്നിയ നാട്ടുകാരാണ് വാഹനം തടഞ്ഞിട്ട ശേഷം എക്സൈസ് സംഘത്തെ വിവരം അറിയിച്ചത്. തുടർന്ന് നടത്തിയ പരിശോധനയിലാണ് പ്രതികളെ പിടികൂടിയത്.
