തിരുവനന്തപുരം: കാട്ടാക്കട കെഎസ്ആര്ടിസി ഡിപ്പോയില് യാത്രക്കാരിയുടെ കാലുകളിലൂടെ ബസ് കയറിയിറങ്ങി ഗുരുതരമായി പരിക്കേറ്റു. ബസിടിച്ചു നിലത്തുവീണ സ്ത്രീയുടെ കാലുകളിലൂടെ അതേ ബസ് കയറിയിറങ്ങുകയായിരുന്നു. ബാലരാമപുരം ഐക്കോട്ടുകോണം ചെറുത്തലവിളാകത്തു വീട്ടില് സാനുമതി (62)ക്കാണ് പരിക്കേറ്റത്. തിരുവനന്തപുരം മെഡിക്കല് കോളജ് ആശുപത്രിയില് ചികിത്സയിലാണ്. ഇന്നലെ വൈകിട്ട് നാല് മണിയോടെയായിരുന്നു അപകടം. യാത്രക്കാരെ കയറ്റിയ ശേഷം നെയ്യാര് ഡാമിലേക്കു പുറപ്പെട്ട ബസ് തട്ടി സാനുമതി വീഴുകയായിരുന്നു. ബസ് പിന്നിലേക്ക് എടുക്കുമ്പോള് തട്ടി സാനുമതി വീണതു ശ്രദ്ധിക്കാതെ മുന്നോട്ട് എടുക്കുകയായിരുന്നു എന്നു ദൃക്സാക്ഷികള് പറയുന്നു.
