പാലക്കാട് : പാലക്കാട് മലമ്പുഴയിൽ കാട്ടാനയുടെ ആക്രമണത്തിൽ ഒരാൾക്ക് ദാരുണാന്ത്യം. അകമലവാരം സ്വദേശി ചന്ദ്രനാണ് മരിച്ചത്. ചൂട് കാരണം വീടിന് സമീപത്തുള്ള പുളിമര ചുവട്ടിൽ കിടന്നുറങ്ങുമ്പോഴായിരുന്നു ആക്രമണമുണ്ടായത്.
ഇന്ന് പുലർച്ചെ 4.30 നാണ് കാട്ടാന ആക്രമണം ഉണ്ടായത്. ചന്ദ്രനൊപ്പം 2 സുഹൃത്തുക്കള് കൂടിയുണ്ടായിരുന്നു. കാട്ടാന വരുന്ന ശബ്ദം കേട്ട് ഇവര് ഓടിരക്ഷപ്പെട്ടു. ചന്ദ്രനെ ജില്ലാ ആശുപത്രിയിൽ എത്തിച്ചെങ്കിലും ജീവൻരക്ഷിക്കാനായില്ല. ചന്ദ്രന്റെ മൃതദേഹം പാലക്കാട് ജില്ലാ ആശുപത്രിയിലെ മോർച്ചറിയിലേക്ക് മാറ്റി.
