തിരുവനന്തപുരം: രാജധാനി എക്‌സ്പ്രസില്‍ തീപിടിത്തം. വെള്ളിയാഴ്ച തിരുവനന്തപുരത്ത് നിന്നും പുറപ്പെട്ട രാജധാനി എക്സ്പ്രസിനാണ് തീപിടിച്ചത്. രാജസ്ഥാനിലെ കോട്ടയ്ക്ക് സമീപത്ത് വച്ചാണ് അപകടം നടന്നത്. ബി വണ്‍ കോച്ചിലും പിന്നിലെ എഞ്ചിന്‍ കമ്പാര്‍ട്ട്‌മെന്റിലും തീപിടിച്ചു. ഇതേത്തുടർന്ന് ട്രെയിനിലെ യാത്രക്കാരെ ഒഴിപ്പിച്ചു. ആളപായമില്ലെന്നാണ് പ്രാഥമിക വിവരം.
ഇന്ന് പുലർച്ചെയാണ് അപകടം നടന്നത്. ആളപായമില്ലെന്നാണ് പ്രാഥമിക വിവരം. ബോഗിയും എഞ്ചിനും തമ്മില്‍ വേര്‍പെടുത്തിയിട്ടുണ്ട്. നിരവധി മലയാളിയാത്രക്കാരും ട്രെയിനിലുണ്ടായിരുന്നു. സംഭവത്തിൽ അന്വേഷണം ആരംഭിച്ചതായി റെയിൽവേ അറിയിച്ചു. നിലവില്‍ ട്രെയിന്‍ കോട്ടക്ക് സമീപം നിര്‍ത്തിയിട്ടിരിക്കുകയാണ്.
