തിരുവനന്തപുരം: കഴക്കൂട്ടത്ത് പ്രവർത്തിക്കുന്ന അർജ്ജുന സൊസൈറ്റി ഓഫ് ക്ലാസിക്കൽ ആർട്സിന്റെ 23 -ാം വാർഷികം മെയ് 17, 18, 19 തീയതികളിൽ ആഘോഷിക്കുന്നു.ത്രിദിന അർജ്ജുനോത്സവം എന്ന പേരിലാണ് വാർഷികാഘോഷം സംഘടിപ്പിക്കുന്നത്.
കഴക്കൂട്ടം അമ്മൻകോവിൽ കമ്മ്യൂണിറ്റി ഹാളിൽ വച്ചാണ് മൂന്ന് ദിവസം നീണ്ടു നിൽക്കുന്ന പരിപാടി സംഘടിപ്പിക്കുന്നത്. മെയ് 17 നു വൈകുന്നേരം 5 മണിക്കാണ് പരിപാടികൾ ആരംഭിക്കുന്നത്. കഴക്കൂട്ടം അമ്മൻകോവിൽ കമ്മ്യൂണിറ്റി ഹാളിൽ വച്ച് നടത്തുന്ന ഉദ്ഘാടന സമ്മേളനം വി കെ പ്രശാന്ത് എം എൽ എ ഉദ്ഘാടനം ചെയ്യും.
അർജുനയുടെ സെക്രട്ടറി വി എസ് സുനിൽ കൃഷ്ണൻ അധ്യക്ഷത വഹിക്കുന്ന തിരുവനന്തപുരം കോർപറേഷൻ സ്റ്റാന്റിംഗ് കമ്മിറ്റി ചെയർമാൻ മേടയിൽ വിക്രമൻ മുഖ്യാതിഥിയാകും. തുടർന്ന് 7 മണി മുതൽ കലാപരിപാടികൾ ആരംഭിക്കും. മൂന്നാം ദിവസമായ മെയ് 19 നാണ് സമാപന സമ്മേളനം. സമാപന സമ്മേളനം കടകംപള്ളി സുരേന്ദ്രൻ എം എൽ എ ഉദ്ഘാടനം ചെയ്യും.
