തിരുവനന്തപുരം: ആറ്റിൻകുഴി ഗവ. എൽ. പി.സ്കൂളിലെ പൂർവ്വ വിദ്യാർത്ഥി കൂട്ടായ്മയുടെ ആഭിമുഖ്യത്തിൽ മെയ് 20 തിങ്കളാഴ്ച വൈകുന്നേരം 3 മണിക്ക് സംഘടിപ്പിക്കുന്ന കുടുംബസംഗമവും കലാവിരുന്നും കോർപ്പറേഷൻ പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ മേടയിൽ വിക്രമൻ ഉദ്ഘാടനം ചെയ്യും. അലുമ്നി അസോസിയേഷന്റെ പ്രസിഡൻറ് ഡോക്ടർ ഷർമദ് ഖാൻ അധ്യക്ഷത വഹിക്കും.
അസോസിയേഷൻ സെക്രട്ടറി എം. ഷാജഹാൻ,സ്കൂൾ ഹെഡ്മിസ്ട്രസ് എം.എൻ സരിതാ ബീഗം, സ്കൂൾ മാനേജ്മെൻറ് കമ്മിറ്റി ചെയർമാൻ എ.എം.എ ഖാദർ , മെഡിക്കൽ കോളേജ് മുൻസൂപ്രണ്ട് ഡോ. എം.എസ്.ഷർമദ്, പി.ടി.എ പ്രസിഡണ്ട് എം. കെ ബിജുമോൻ, എക്സിക്യൂട്ടീവ് മെമ്പർമാരായ വി. വിനീതൻ, കെ. സുരേഷ് ബാബു, ജി.എസ് മോഹനകുമാർ, ഡി. സുനിൽകുമാർ എന്നിവർ ആശംസകൾ അർപ്പിക്കുന്നു. തുടർന്ന് പൂർവ്വ വിദ്യാർത്ഥികളും നിലവിലെ വിദ്യാർത്ഥികളും കുടുംബാംഗങ്ങളും അവതരിപ്പിക്കുന്ന കലാവിരുന്ന് ഉണ്ടായിരിക്കും.
തദവസരത്തിൽ എൽ. എസ്. എസ് പരീക്ഷയിൽ ജേതാക്കളായ ആർപ്പിത് ജി രാഹുൽ, ആഷിൻ കൃഷ്ണ, കേരള സർവകലാശാല കാര്യവട്ടം ക്യാമ്പസിൽ നിന്നും എം.എസ്സ്.സി ഫിസിക്സിൽ രണ്ടാം റാങ്ക് നേടിയ ആർ. ശ്രീലക്ഷ്മി എന്നിവരെ അനുമോദിക്കുന്നു.
