കഴക്കൂട്ടം :കഴക്കൂട്ടം സെന്റ് ആന്റണീസ് എൽപി എസ്സിൽ വായന ദിനം സംഘടിപ്പിച്ചു. വായനാദിനാചരണത്തിന്റെ ഭാഗമായി കുട്ടികൾക്കായി പുസ്തക മരം നിർമ്മിച്ചു. മാധ്യമ പ്രവർത്തക മാതു സജി വായനാദിനം ഉദ്ഘാടനം ചെയ്തു.
എസ്.എം.സി ചെയർമാൻ മണിച്ചന്ദ്രൻ, എസ് ടി ആർ എ പ്രസിഡന്റ് സാജിദ്, പൂർവ്വ വിദ്യാർത്ഥി പ്രശാന്ത് ,പ്രഥമ അധ്യാപകൻ മനോജ് കുമാർ, അധ്യാപകർ, രക്ഷകർത്താക്കൾ, കുട്ടികൾ എന്നിവർ പങ്കെടുത്തു. രക്ഷകർത്താക്കളുടെ കൈയക്ഷര മത്സരം,ഉപന്യാസരചന മത്സരം തുടങ്ങിയവയും ഉണ്ടായിരുന്നു.
