കണിയാപുരം: പോത്തൻകോട് ബ്ലോക്ക് പഞ്ചായത്തിന്റെയും കണിയാപുരം ഡെവലെപ്പുമെന്റ് ഓർഗനൈസേഷന്റെയും ആഭിമുഖ്യത്തിൽ ആർ.സി.സിയിലെ പ്രഗൽഭ ഡോക്ടർമാർ നയിക്കുന്ന സൗജന്യ കാൻസർ പരിശോധന ക്യാമ്പ് നടത്തുന്നു.
ഇന്ന് (ബുധൻ) രാവിലെ 9 മണി മുതൽ കണിയാപുരം റെയിൽവേ ഗേറ്റിന് സമീപമുള്ള തോട്ടിൻകര ചാന്ദ് മഹലിൽ നടക്കുന്ന മെഡിക്കൽ ക്യാമ്പ് കെ.ഡി.ഒ ചെയർമാൻ തോട്ടിൻകര നൗഷാദിന്റെ അദ്ധ്യക്ഷതയിൽ പോത്തൻകോട് ബ്ളോക്ക് പഞ്ചായത്ത് പ്രസിഡന്റ് ഹരി പ്രസാദ് ഉദ്ഘാടനം ചെയ്യും.
പരിശോധനയിൽ ആർക്കെങ്കിലും തുടർചികിത്സ ആവശ്യമാണെന്ന് കണ്ടാൽ പോത്തൻകോട് ബ്ലോക്ക് പഞ്ചായത്തിന്റെ പതിനായിരം രൂപയുടെ സൗജന്യ ചികിത്സ ലഭിക്കുമെന്ന് ഹരിപ്രസാദ് അറിയിച്ചു. ഡോക്ടർമാരായ കലാവതി , ജയകൃഷ്ണൻ, എലിസബത്ത് ചീരൻ തുടങ്ങിയവ ർ പങ്കെടുക്കും
