തിരുവനന്തപുരം: കിളിമാനൂരിൽ വാഹന അപകടത്തിൽ ദമ്പതികൾ മരിച്ച സംഭവത്തിൽ മുഖ്യപ്രതി വിഷ്ണു പിടിയിലായി. നെയ്യാറ്റിൻകരയിൽ വച്ചാണ് ഇയാളെ പിടികൂടിയത്. വിഷ്ണുവിന്റെ സുഹൃത്തിനെ കഴിഞ്ഞ ദിവസം പൊലീസ് അറസ്റ്റ് ചെയ്തു ചോദ്യം ചെയ്തിരുന്നു.
ഇതിനു പിന്നാലെ ഒളിവിൽ കഴിയുന്നതിനിടെ , കേരളാ തമിഴ്നാട് അതിർത്തിയിൽ നിന്നാണ് പിടിയിലായത്. ആറ്റിങ്ങല് ഡിവൈഎസ്പി സ്കോഡാണ് പ്രതിയെ പിടികൂടിയത്. സംസ്ഥാനത്തിനു പുറത്തേക്കു രക്ഷപ്പെടാനുള്ള ശ്രമത്തിലായിരുന്നു വിഷ്ണുവെന്നാണ് സൂചന. പിടിയിലായ വിഷ്ണു ഫയർഫോഴ്സ് ഉദ്യോഗസ്ഥനാണ്.
പ്രതിയെ ഡിവൈഎഫ്പി ഓഫീസില് എത്തിച്ച് അറസ്റ്റ് രേഖപ്പെടുത്തി. നിലവില് ആറ്റിങ്ങല് ഡിവൈഎസ്പിയുടെ നേതൃത്വത്തില് ചോദ്യം ചെയ്യുകയാണ്. കഴിഞ്ഞ മൂന്നിന് വൈകീട്ട് സംസ്ഥാന പാതയിൽ പാപ്പാലയിലായിലാണ് അപകടം ഉണ്ടായത്. വിഷ്ണുവിന്റെ ഥാർ കിളിമാനൂർ സ്വദേശികളായ രജിത്തും അംബികയും ഓടിച്ചിരുന്ന സ്കൂട്ടറിന് പിന്നാൽ ഇടിക്കുകയായിരുന്നു. വാഹനം അമിത വേഗതയിലായിരുന്നു.
