കഴക്കൂട്ടം: പട്ടാപ്പകല് ബൈക്കില് എത്തിയ രണ്ടു പേര് വീട്ടമ്മയെ തള്ളി നിലത്തിട്ട് മാല പൊട്ടിച്ചു രക്ഷപ്പെട്ടു. കഴക്കൂട്ടം പൊലീസ് സ്റ്റേഷന് 100 മീറ്റര് മാത്രം അകലെ സര്വീസ് റോഡില് ഡിഡിആര്സിക്കു സമീപം വച്ചാണ്ഇന്നലെ ഉച്ചതിരിഞ്ഞ്2.30 തോടെ മൃഗസംരക്ഷണ വകുപ്പിലെ റിട്ട. ഡപ്യൂട്ടി ഡയറക്ടര് ഡോ. കെ.കെ. ജയ (58)യുടെ ആറു പവന് തൂക്കം വരുന്ന മാല പൊട്ടിച്ചത്.ഹെല്മെറ്റ്ധരിച്ച് ബൈക്കില് എത്തി റോഡിന്റെ വശത്ത് നിന്ന രണ്ടു പേരില് ഒരാള് വീട്ടിലേയ്ക്കുനടന്നുപോയ ജയയുടെമാലയില് പിടികൂടി.
ചെറുത്ത ജയയെ തളളി നിലത്തിട്ടശേഷം മാലയുടെ ഒരു ഭാഗം പൊട്ടിച്ചെടുത്ത്മോഷ്ടാക്കള് അമിത വേഗതയില് ബൈക്ക് ഓടിച്ചു പോയി. സംഭവത്തില് കഴക്കൂട്ടംപൊലീസ് കേസെടുത്തു. പൊലീസ് ഈ ഭാഗത്തെ സിസിടിവി ക്യാമറകള് പരിശോധിക്കുന്നുണ്ട്.
