ന്യൂഡൽഹി : ഭീമ കൊറേഗാവ് കേസിൽ സ്ഥിരാജാമ്യം തേടിക്കൊണ്ട് തെലുങ്ക് കവിയും സാഹിത്യകാരനുമായ വരവരറാവു സുപ്രീംകോടതിയിൽ സമർപ്പിച്ച ഹർജി ഇന്ന് പരിഗണിക്കും. ആരോഗ്യസ്ഥിതി കണക്കിലെടുത്ത് ബോംബെ കോടതിയാണ് വരവരറാവുവിനു ഇടക്കാല ജാമ്യം അനുവദിച്ചിരുന്നത്.
ഈ കാലാവധി ഇന്ന് അവസാനിക്കുകയും ചെയ്യും. സ്ഥിരജാമ്യം അനുവദിക്കാൻ കോടതി തയ്യാറാവാത്തതിന്റെ പശ്ചാത്തലത്തിലാണ് വരവരറാവു സുപ്രീം കോടതിയിൽ ഹർജി നൽകിയത്. 2017 ഡിസംബർ 13 നു വരവരറാവു നടത്തിയ പ്രസംഗം ഭീമ കൊറേഗാവ് കലാപത്തെ ആളിക്കത്തിക്കാൻ കാരണമായി എന്നതാണ് കേസ്.
