തിരുവനന്തപുരം: തിരുവനന്തപുരം ആറ്റിങ്ങൽ ദേശീയപാതയിൽ വാഹനാപകടത്തിൽ ഒരാൾ മരണപ്പെട്ടു. ആലംകോട് വഞ്ചിയൂർ അറ്റത്തുമൂലവീട്ടിൽ 60 വയസ്സുള്ള സുഗതൻ ആണ് മരിച്ചത്.
ഹോണ്ട ആക്ടിവ സ്കൂട്ടറിൽ സഞ്ചരിക്കവെ തിങ്കളാഴ്ച്ച രാവിലെ 9 മണിയോടെയായിരുന്നു അപകടം.
ആറ്റിങ്ങൽ ഭാഗത്തേക്ക് വന്ന സ്കൂൾ ബസ്സിനെ അതേ ദിശയിൽ വന്ന സുഗതൻ സഞ്ചരിച്ച ഇരുചക്രവാഹനം ഓവർടേക്ക് ചെയ്യാൻ ശ്രമിക്കവേയാണ് അപകടം നടന്നത്. തലക്ക് ഗുരുതര പരിക്കേറ്റ സുഗതൻ സംഭവ സ്ഥലത്ത് വെച്ച് തന്നെ മരണപ്പെട്ടു. ആറ്റിങ്ങൽ ഹെഡ് പോസ്റ്റാഫീസിൽ നിന്നും പോസ്റ്റ്മാനായി റിട്ടയർ ചെയ്തയാളാണ് സുഗതൻ.
