തിരുവനന്തപുരം: തിരുവനന്തപുരം നോർത്ത് ഉപജില്ല ശാസ്ത്ര ഗണിതശാസ്ത്ര, സോഷ്യൽ സയൻസ്, പ്രവൃത്തി പരിചയമേളയുടെ ഔപചാരിക ഉദ്ഘാടനം നോർത്ത്ഉപജില്ല ഓഫീസർ ബീന റാണി നിർവഹിച്ചു. എസ് എം വി സ്കൂളിൽ പതാക ഉയർത്തിയാണ് ഉദ്ഘാടന കർമ്മം നിർവഹിച്ചത്. തിരുവനന്തപുരം എസ് എം വി സ്കൂൾ, ഫോർട്ട്‌ ഹൈ സ്കൂൾ, ഫോർട്ട്‌ ഗേൾസ് മിഷൻ സ്കൂൾ എന്നീ മൂന്നു സ്കൂളിൽ ആണ് മേള നടക്കുന്നത്.
സോഷ്യൽ സയൻസ് മേളയും ഗണിതശാസ്ത്രമേളയും ഇന്ന് എസ് എം വി സ്കൂളിൽ നടക്കും. സയൻസ് മേള എൽ പി / യു പി ഫോർട്ട്‌ ഗേൾസ് മിഷൻ സ്കൂളിലും എച്ച് എസ് /എച്ച് എസ് എസ് ഫോർട്ട്‌ ഹൈസ്കൂളിലും
ഇന്ന് നടക്കും.
പ്രവൃത്തി പരിചയമേള നാളെ എസ് എം വി സ്കൂളിൽ നടക്കും. ഐ ടി മേള ഇന്നും നാളെയുമായി എസ് എം വി സ്കൂളിൽ നടക്കും. നാളെ വൈകുന്നേരം സമാപന സമ്മേളനത്തിൽ ട്രോഫികൾ വിതരണം ചെയ്യും.
