തിരുവനന്തപുരം : പി സി ജോർജിനെ അറസ്റ്റ് ചെയ്തു. സോളാർ തട്ടിപ്പ് കേസിലെ പ്രതിയുടെ രഹസ്യ മൊഴിയെ തുടർന്നാണ് പീഡനകേസിൽ പി സി ജോർജിനെ അറസ്റ്റ് ചെയ്തത്. കെ ടി ജലീലിന്റെ പരാതിയെ തുടർന്ന് തിരുവനന്തപുരത്ത് പി സി ജോർജിനെ ചോദ്യം ചെയ്യുന്നതിനിടയിലാണ് മ്യൂസിയം പൊലീസിന്റെ ഇടപെടലുണ്ടായത്.
കന്റോൺമെന്റ് എസി തൈക്കാട് ഗസ്റ്റ് ഹൗസിലാണ് പി സി ജോർജിനെ ചോദ്യം ചെയ്തുകൊണ്ടിരുന്നത്. 354 , 54 A വകുപ്പുകൾ പ്രകാരമാണ് കേസ് എടുത്തിരിക്കുന്നത്. പീഡനശ്രമത്തിനും, സ്ത്രീത്വത്തെ അപമാനിച്ചതിനുമാണ് കേസ് ചാർജ് ചെയ്തിരിക്കുന്നത്.
