ഡെറാഡൂൺ: ഉത്തരാഖണ്ഡിൽ സ്വകാര്യ ബസ് കൊക്കയിലേക്ക് മറിഞ്ഞ് 8 പേർ മരിച്ചു. 27 പേർക്ക് പരിക്കേറ്റു. ഇവരെ ആശുപത്രിയിൽ പ്രവേശിപ്പിച്ചു. 35 പേരാണ് ബസിൽ ഉണ്ടായിരുന്നത്. ഉത്തർകാശി ജില്ലയിലാണ് സംഭവം.ഗംഗോത്രി സന്ദർശിച്ച് മടങ്ങിയ ഗുജറാത്ത് തീർഥാടകർ സഞ്ചരിച്ചിരുന്ന ബസ്സാണ് മറിഞ്ഞത്.
ഗംഗോത്രി ദേശീയപാതയിൽ ഗംഗ്നനിക്ക് സമീപമാണ് അപകടമുണ്ടായത്. പരിക്കേറ്റ മുഴുവന്‍ യാത്രക്കാരെയും സമീപത്തെ ആശുപത്രിയിൽ പ്രവേശിപ്പിച്ചു. സംസ്ഥാന, ദേശീയ ദുരന്ത നിവാരണ സേനകൾ ചേർന്നാണ് രക്ഷാ പ്രവർത്തനം നടത്തിയത്. ഗംഗോത്രി ധാമിൽ നിന്ന് ഉത്തരകാശിയിലേക്കു പോവുകയായിരുന്ന ബസ് 50 മീറ്റർ താഴ്ച്ചയുള്ള കൊക്കയിലേക്ക് മറിയുക യായിരുന്നു. മരണത്തിൽ ഉത്തരാഖണ്ഡ് മുഖ്യമന്ത്രി പുഷ്കർ സിങ് ധാമി അനുശോചനം രേഖപ്പെടുത്തി.
.
