കണ്ണൂർ: വാട്ടർ തീം പാർക്കിൽ യുവതിക്ക് നേരെ ലൈംഗികാതിക്രമം. സംഭവത്തിൽ പെരിയയിലെ കേന്ദ്ര സർവകലാശാല പ്രൊഫസർ റിമാൻഡില്. കണ്ണൂർ വിസ്മയ പാര്ക്കിലാണ് സംഭവം നടന്നത്. പ്രൊഫസർ ഇഫ്തിക്കർ അഹമ്മദിനെയാണ് റിമാൻഡ് ചെയ്തിരിക്കുന്നത്.
പാര്ക്കിലെ വേവ്പൂളില് വച്ചാണ് മോശമായി പെരുമാറിയതെന്നാണ് പരാതിയിൽ പറയുന്നത്. ഉടൻ തന്നെ യുവതി ബഹളം വയ്ക്കുകയായിരുന്നു. തുടർന്ന് കൂടെയുള്ളവർ പോലീസിനെ അറിയിക്കുകയും പോലീസ് സ്ഥലത്തെത്തി പ്രൊഫസർക്കെതിരെ കേസ് എടുക്കകയുമായിരുന്നു. സ്ത്രീകള്ക്കെതിരെയുള്ള അതിക്രമം തടയല് നിയമപ്രകാരമാണ് ഇയാൾക്കെതിരെ കേസ് എടുത്തിരിക്കുന്നത്.
ഇന്നലെ വൈകുന്നേരമാണ് സംഭവം നടക്കുന്നത്. മലപ്പുറം സ്വദേശിയായ 22 കാരിയോടാണ് ഇഫ്തിക്കര് അഹമ്മദ് അപമര്യാദയായി പെരുമാറിയത്. ഇഫ്തിക്കര് അഹമ്മദ് നിരവധി വിവാദങ്ങളിൽ അകപ്പെടുകയും ഇതിന് മുമ്പ് സസ്പെൻഷനിൽ ആവുകയും ചെയ്തയാളാണ്. ഇയാൾക്കെതിരെ നേരത്തെയും ലൈംഗിക അതിക്രമ പരാതിയുണ്ടായിരുന്നു.
