തിരുവനന്തപുരം: തിരുവനന്തപുരം വർക്കലയിൽ ഭർത്താവ് തീ കൊളുത്തിയ ഭാര്യ മരിച്ചു. ചെമ്മരുതി സ്വദേശി രാജേന്ദ്രൻ്റെ ഭാര്യ ബിന്ദുവാണ് മരിച്ചത്. കുടുംബവഴക്കിനെ തുടർന്നായിരുന്നു ആക്രമണം. ഗുരുതരമായി പൊള്ളലേറ്റ ഇവർ മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു. ഇന്ന് ഉച്ചയോടെയാണ് മരിച്ചത്. ഇരുവരുടെയും മകൻ അമൽ (17) ഇന്ന് രാവിലെ മരിച്ചിരുന്നു.
ഇന്നലെയാണ് സംഭവം നടന്നത്. കഴിഞ്ഞ ആറ് മാസമായി രാജേന്ദ്രനും ബിന്ദുവും പിരിഞ്ഞുകഴിയുകയായിരുന്നു. തുടർന്ന് കഴിഞ്ഞ ദിവസം ഭര്തൃവീട്ടില് വസ്ത്രങ്ങളും മറ്റുസാധനങ്ങളും എടുക്കാന് പൊലീസ് അനുമതിയോടെ എത്തിയിരുന്നു. അപ്പോഴാണ് രാജേന്ദ്രൻ ഭാര്യ ബിന്ദുവിനെ തീ കൊളുത്തിയത്. ഇതു കണ്ട മകൻ അമ്മയെ രക്ഷിക്കാൻ ശ്രമിച്ചു. ഇതിനിടെ അമലിന് ഗുരുതരമായി പൊള്ളലേറ്റു. സംഭവത്തിൽ ഗുരുതരമായി പൊള്ളലേറ്റ രാജേന്ദ്രൻ ഇന്നലെ സംഭവസ്ഥലത്ത് വച്ച് തന്നെ മരിച്ചിരുന്നു.
അമലിനെയും അമ്മ ബിന്ദുവിനെയും അച്ഛന് രാജേന്ദ്രന് പെയിന്റിങ്ങിന് ഉപയോഗിക്കുന്ന തിന്നര് ഒഴിച്ച് തീകൊളുത്തിയത്. ചേര്ത്ത് പിടിച്ചതിനാല് രാജേന്ദ്രനും പൊള്ളലേൽക്കുകയായിരുന്നു.
