തിരുവനന്തപുരം: തിരുവനന്തപുരം ആക്കുളം – ആലത്തറ റോഡിലുള്ള ഫ്ലാറ്റിൽ നിന്നും 20.294 ഗ്രാം എം ഡി എം എ എക്സൈസ് പിടികൂടി. ചിറയിൻകീഴ് പെരുമാതുറ മുതലപ്പൊഴിക്ക് സമീപം 43 വയസ്സുള്ള മുഹമ്മദ് റാഫിയെ എം ഡി എം എ സൂക്ഷിച്ചതിന് എക്സൈസ് അറസ്റ്റ് ചെയ്തു. എം ഡി എം എ വില്പന നടത്തിയിരുന്ന ഇയാളുടെ രണ്ടു മൊബൈൽ ഫോണുകളും 540 രൂപയും കസ്റ്റഡിയിലെടുത്തിട്ടുണ്ട്.
തുടർനടപടികൾക്കായി കഴക്കൂട്ടം എക്സൈസ് റേഞ്ച് ഇൻസ്പെക്ടർക്ക് ഇയാളെ കൈമാറി. പോക്സോ,ചെയിൻ സ്‌നേച്ചിങ് പിടിച്ചുപറി, കൊലപാതക ശ്രമ കണ്ടിഷൻ തുടങ്ങി നിരവധി കേസുകളിൽ പ്രതിയുമാണ് ഇയാൾ.
തിരുവനന്തപുരം എക്സൈസ് സർക്കിൾ ഇന്‍സ്പെക്ടറുടെ പാർട്ടിയിൽ അസിസ്റ്റന്റ് എക്സൈസ് ഇൻസ്‌പെക്ടർ (ഗ്രേഡ്) രജി കുമാർ, പ്രിവന്റീവ് ഓഫീസർ (ഗ്രേഡ്) മണികണ്ഠൻ, സിവിൽ എക്സൈസ് ഓഫീസർമാരായ അജിത്ത്, അല്‍ത്താഫ്, ഗിരീഷ്, സിവിൽ എക്സൈസ് ഓഫീസർ ഡ്രൈവർ ജിനിരാജ് എന്നിവരും ഉണ്ടായിരുന്നു.
