തിരുവനന്തപുരം: പിടിതരാതെ സ്വർണ്ണ വില. ദിനംപ്രതി വർധിച്ച് മുന്നേറുകയാണ് സ്വർണ്ണ വില. ചരിത്രത്തിലെ തന്നെ ഏറ്റവും വലിയ വിലയിലാണ് ഇപ്പോൾ സ്വർണ്ണം എത്തിനിൽക്കുന്നത്. ഗ്രാമിന് ഇന്ന് 20 രൂപയാണ് വര്ധിച്ചത്. 7300 രൂപയാണ് ഇന്ന് ഗ്രാം സ്വർണ്ണത്തിനു വില.
ഒരു പവൻ സ്വർണ്ണത്തിനു 160 രൂപയാണ് വര്ധിച്ചത്. ഇതോടെ ഒരു പവൻ സ്വർണ്ണത്തിനു 58,400 രൂപയായി. ഒക്ടോബർ മാസത്തിൻ്റെ തുടക്കത്തിൽ 56,400 രൂപയായിരുന്നു ഒരു പവൻ സ്വർണത്തിന്റെ വില. തുടർന്നുള്ള ദിവസത്തിൽ വിലയിൽ വൻ വർദ്ധനനവാണ് ഉണ്ടായിരിക്കുന്നത്. അതെ സമയം വെള്ളിയുടെ വിലയിൽ മാറ്റമില്ലാതെ തുടരുകയാണ്. ഒരു ഗ്രാം വെള്ളിയുടെ വില 98 രൂപയാണ്.
