കഴകൂട്ടം: പരിമിതികളെ കഠിനാധ്വാനം കൊണ്ട് മറികടന്നിരിക്കുകയാണ് കണിയാപുരം സ്വദേശി മുഹമ്മദ് മുഹ്സിൻ എം.ആർ. കണിയാപുരം പള്ളിനട സ്വദേശിയായ മുഹ്സിൻ ഇനി സെക്രട്ടേറിയറ്റിലെ ഭരണനിർവ്വഹണത്തിൽ തന്റെ കഴിവും പ്രയത്നവും സമർപ്പിക്കാനൊരുങ്ങുകയാണ്. കേരള പബ്ലിക് സർവീസ് കമ്മീഷൻ നടത്തിയ അസിസ്റ്റന്റ് / ഓഡിറ്റർ പരീക്ഷയിൽ 12-ാം റാങ്ക് കരസ്ഥമാക്കിയിരിക്കുകയാണ് മുഹ്സിൻ.
കെ.എസ്.ആർ.ടി.സി ജീവനക്കാരനായ എം.ആർ മുജീബ് റഹ്മാന്റെയും നസീറ ബീവിയുടെയും മകനാണ് മുഹ്സിൻ. കണിയാപുരം മുസ്ലിം ബോയ്സ് സ്ക്കൂൾ, ആറ്റിങ്ങൾ ഗവ:ബോയ്സ് സ്ക്കൂൾ, തുമ്പ സെന്റ് സേവിയസ് കോളേജ് എന്നീ പൊതുവിദ്യാലയങ്ങളിൽ പഠനം പൂർത്തിയാക്കി തന്റെ ലക്ഷ്യബോധവും കഠിന പ്രയത്നവും കൊണ്ട് കൈവരിച്ച ഈ വിജയം നാടിനാകെ പ്രചോദനമാണ്.
മുസ്ലിം ലീഗ് കണിയാപുരം പള്ളിനട ശാഖാ കമ്മിറ്റി തയ്ക്കാവ് മുക്കിൽ സംഘടിപ്പിച്ച ചടങ്ങിൽ മുഹ്സിന് സ്നേഹോപഹാരം സമർപ്പിച്ചു. മുസ്ലിം ലീഗ് കഠിനംകുളം പഞ്ചായത്ത് പ്രസിഡണ്ട് തോപ്പിൽ നസീർ അധ്യക്ഷത വഹിച്ചു.
മുസ്ലിം ലീഗ് തിരുവനന്തപുരം ജില്ലാ സെക്രട്ടറി ഷഹീർ ജി അഹമ്മദ് മുഹ്സിന് ആദരവ് സമർപ്പിച്ചു. മുസ്ലിം ലീഗ് – യൂത്ത് ലീഗ് നേതാക്കളായ മണ്ഡലം പ്രസിഡന്റ് കടവിളാകം കബീർ,ദേശീയ സമിതി അംഗം ചാന്നാങ്കര കബീർ, മണ്ഡലം ട്രഷറർ ഷഹീർഖരീം, , യൂത്ത്തൗ യൂത്ത് ലീഗ്ഫീ മണ്ഡലം പ്രസിഡന്റ് തൗഫീക്ക് ഖരീം, മണ്ഡലം ഭാരവാഹികളായ ബഷറുള്ള ബഷർ, അഷറഫ് ചാന്നാങ്കര, അഷ്ക്കർ അമീൻ,, മൺസൂർ ഗസ്സാലി നിഹാസ് അബൂബക്കർ എന്നിവർ ആശംസകൾ അർപ്പിച്ചു.
