തിരുവനന്തപുരം: വി ഡി സതീശൻ മന്ത്രിസഭയിലെ പുതിയ മന്ത്രിമാർ പഴയ മന്ത്രിമാരുടെ കാറുകൾ തന്നെ ഉപയോഗിക്കുമെന്ന് റിപ്പോർട്ട്. തന്റെ യാത്രകള്ക്ക് വാഹനവ്യൂഹം ആവശ്യമില്ലെന്ന് പ്രഖ്യാപിച്ചതിന് പിന്നാലെയാണ് നിയുക്ത മന്ത്രിയുടെ പുതിയ പ്രഖ്യാപനം.
വി എന് വാസവന് ഉപയോഗിച്ച കാര് ആകും മുഖ്യമന്ത്രി ഉപയോഗിക്കുക. ഏറ്റവും കുറവ് ദൂരം ഓടിയ കാർ എന്ന നിലയ്ക്കാണ് ഈ തീരുമാനം. രണ്ടാം പിണറായി സർക്കാരിന്റെ കാലത്ത് ഏറ്റവും അവസാനമായി വാങ്ങിയ കാറാണ് വിഎൻ വാസവന്റേത്. മറ്റു മന്ത്രിമാര്ക്കും പുതിയ കാര് വാങ്ങില്ല. ചെലവ് ചുരുക്കലിന്റെ ഭാഗമായാണ് നടപടി.
കൂടാതെ ക്ലിഫ് ഹൗസ് മോടി പിടിപ്പിക്കില്ലെന്ന തീരുമാനം കൂടി നിയുക്ത മുഖ്യമന്ത്രി വി ഡി സതീശന് എടുത്തിരുന്നു. അറ്റകുറ്റ പണികള് മാത്രം മതിയെന്ന് വി ഡി സതീശന് നിര്ദേശം നല്കി. മന്ത്രി മന്ദിരങ്ങളിലും കൂടുതല് പണം ചിലവഴിച്ചു മോടി പിടിപ്പിക്കില്ല.
