കൊച്ചി: കൊച്ചി പനമ്പിള്ളി നഗറിനടുത്ത് റോഡിൽ നവജാത ശിശുവിന്റെ മൃതദേഹം കണ്ടെത്തിയ സംഭവത്തില് 23 കാരിയായ അമ്മ കുറ്റം സമ്മതിച്ചെന്ന് വ്യക്തമാക്കി പൊലീസ്. കുഞ്ഞിന്റെ അമ്മ പീഡനത്തിന് ഇരയാണെന്നും ജനിച്ച് മൂന്ന് മണിക്കുറിനുള്ളിൽ അമ്മ കുഞ്ഞിനെ നടുറോഡിലേയ്ക്ക് എറിയുകയായിരുന്നുവെന്നുമാണ് പോലീസ് പറയുന്നത്.
കൊച്ചി സിറ്റി പൊലീസ് കമ്മീഷണറാണ് ഇക്കാര്യങ്ങൾ മാധ്യമങ്ങളോട് പറഞ്ഞു. കുഞ്ഞിന്റെ അമ്മ പീഡനത്തിനിരയാണെന്ന് മാതാപിതാക്കൾ അറിഞ്ഞിരുന്നില്ലെന്നും മാതാപിതാക്കൾക്ക് കൊലപാതകത്തിൽ പങ്കില്ലെന്നും പോലീസ് പറയുന്നു. 23 കാരി ശുചിമുറിയിൽ വച്ചാണ് പ്രസവിച്ചത്. ഇന്ന് പുലർച്ചെ അഞ്ചു മണിക്കാണ് സംഭവം നടന്നത്. കൊലപാതകമാണോയെന്ന് പോസ്റ്റ്മോര്ട്ടത്തിന് ശേഷമേ സ്ഥിരീകരിക്കാനാകുവെന്ന് സിറ്റി പൊലീസ് കമ്മീഷണര് അറിയിച്ചു.
