പാലക്കാട്: ലോട്ടറി വില്‍പനക്കാരിക്ക് നേരെ ആസിഡ് ആക്രമണം. ഒലവക്കോട് സ്വദേശിനി ബർഷീനയ്ക്ക് നേരേയായിരുന്നു ആക്രമണം നടന്നത്. പാലക്കാട് ഒലവക്കോട് താണാവിൽ ലോട്ടറി കട നടത്തുന്ന യുവതിക്ക് നേരെയാണ് ആസിഡ് ആക്രമണം ഉണ്ടായത്.
ഇന്ന് രാവിലെ ഏഴു മണിയോടെയാണ് സംഭവം നടന്നത്. യുവതിയുടെ മുൻ ഭർത്താവാണ് ആക്രമണം നടത്തിയത്. കഴുത്തിന് പിന് ഭാഗത്താണ് യുവതിക്ക് പൊള്ളലേറ്റത്. പൊള്ളലേറ്റ യുവതിയെ പാലക്കാട് ജില്ലാ ആശുപത്രിയിൽ ചികിത്സയിൽ പ്രവേശിപ്പിച്ചു. ബർക്കിനയുടെ മുൻ ഭർത്താവ് തമിഴ്നാട് സ്വദേശി കാജാ ഹുസൈനെ പോലീസ് കസ്റ്റഡിയിലെടുത്തു.
