പാലക്കാട്: കാട്ടാന ആക്രമണത്തിൽ മാതൃഭൂമി ന്യൂസ് ക്യാമറാമാൻ എ.വി.മുകേഷ് (34) അന്തരിച്ചു. ഇന്ന് രാവിലെ പാലക്കാട് കൊട്ടേക്കാടുണ്ടായ കാട്ടാന ആക്രമണത്തിലാണ് ക്യാമറ മാൻ എ വി മുകേഷ് അന്തരിച്ചത്. മേഖലയിൽ ആനയിറങ്ങിയതിന്റെ ദൃശ്യങ്ങൾ റിപ്പോർട്ട് ചെയ്യുന്നതിനിടെയാണ് അപകടം സംഭവിച്ചത്.
കൂടെയുണ്ടായിരുന്നവർ തലനാരിഴയ്ക്ക് രക്ഷപെട്ടു. ഗുരുതരമായി പരിക്കേറ്റ മുകേഷിനെ ഉടന് തന്നെ പാലക്കാട് ജില്ലാ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. കാട്ടാനയുടെ ആക്രമണത്തിൽ മുകേഷിൻ്റെ ഇടുപ്പിനാണ് പരുക്കേറ്റത്. മൃതദേഹം പാലക്കാട് ജില്ലാ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.
മലപ്പുറം പരപ്പനങ്ങാടി ചെട്ടിപ്പടി സ്വദേശി വത്താന് വീട്ടില് ഉണ്ണിയുടെയും ദേവിയുടെയും മകനാണ് അന്തരിച്ച എവി മുകേഷ്. ഭാര്യ: ടിഷ. കഴിഞ്ഞ ഒരു വര്ഷമായി മാതൃഭൂമി പാലക്കാട് ബ്യൂറോയിലായിരുന്നു. ദീര്ഘകാലം ഡൽഹിയിലും ജോലി ചെയ്തിരുന്നു.
