കഴക്കൂട്ടം: മംഗലപുരത്ത് വീട്ടമ്മയേയും കുടുംബത്തേയും വീട് കയറി ആക്രമിച്ച കേസിൽ ഒരാൾ കൂടി അറസ്റ്റിൽ. കുപ്രസിദ്ധ ക്രിമിനൽ കൊല്ലം അയത്തിൽ സ്വദേശിയും നിലവിൽ കുടവൂർ ചുടുകാട് റോഡിൽ വാടകക്ക് താമസിക്കുന്ന മുജീബ് (39) ആണ് മംഗലപുരം പോലീസ് പിടിയിലായത്.
കഴിഞ്ഞ മാസം 19-ാം തിയതിയാണ് കേസിനാസ്പദമായ സംഭവം നടന്നത്. ചെമ്പകമംഗലം ആലപ്പുറകുന്ന് പൊയ്കവിളയിൽ മഞ്ജുളയുടെ വീട്ടിലാണ് ആക്രമണമുണ്ടായത്. മഞ്ജുളയുടെ ബന്ധു ശ്രീജിത്തുമായുള്ള മുൻവൈരാഗ്യമാണ് ആക്രമണത്തിന് കാരണമെന്ന് മംഗലപുരം പോലീസ് പറഞ്ഞു.
പിടിയിലായ മുജീബും മറ്റ് ഏഴു പേരടങ്ങുന്ന സംഘമാണ് വീട് കയറി മജ്ജുളയേയും കുടുമ്പത്തേയും ആക്രമിച്ചത്. സംഭവത്തിൽ നേരത്തെ ചെമ്പകമംഗലം സ്വദേശി ബൈജു (42)നെ പോലീസ് പിടികൂടിയിരുന്നു. പിടിയിലായ മുജീബിന് തിരുവനന്തപുരം കൊല്ലം ജില്ലകളിലെ വിവിധ സ്റ്റേഷനുകളിലായി 14 ഓളം കേസുകളുണ്ടെന്ന് മംഗലപുരം പോലീസ് പറഞ്ഞു.
