തിരുവനന്തപുരം : തിരുവനന്തപുരം നഗരസഭയിൽ കെട്ടിട നമ്പർ തട്ടിപ്പ്. നഗരസഭയുടെ ആഭ്യന്തര നവേഷണത്തിലാണ് തട്ടിപ്പ് നടക്കുന്നതായി വെളിപ്പെട്ടത്. സംഭവത്തെ തുടർന്ന് രണ്ട് താത്കാലിക ഡേറ്റ എൻട്രി ജീവനക്കാരെ നീക്കം ചെയ്തിട്ടുണ്ട്. സമാനമായ സംഭവം കോഴിക്കോട് നടന്നതായി റിപോർട്ടുകൾ ഉണ്ടായിരുന്നു.
പൊളിക്കാനായി തീരുമാനിച്ച കെട്ടിടങ്ങളുടെ ഉടമസ്ഥർ കൈക്കൂലിയും മറ്റും നൽകി കെട്ടിട നമ്പർ തരപ്പെടുത്തിയാണ് തട്ടിപ്പ് നടത്തിയിരിക്കുന്നത്. സെക്രെട്ടറിയുടെ പാസ്സ്‌വേർഡ് ചോർത്തിയാണ് പൊളിക്കാനുള്ള കെട്ടിടങ്ങൾക്ക് കെട്ടിട നമ്പർ ഉദ്യോഗസ്ഥർ തരപ്പെടുത്തി നൽകിയതെന്നാണ് റിപോർട്ടുകൾ. ഇത്തരത്തിൽ ചട്ടവിരുദ്ധമായി ക്രമപ്പെടുത്തിയത് മുന്നൂറിലധികം കെട്ടിടങ്ങളാണ് എന്നാണ് കണ്ടെത്തൽ.
